Rafbækur Menntavísindasviðs: Rafbækur á háskólanetinu

Rafbækur frá Ebook Central í eigu bókasafns Menntavísindasviðs

Rafbækur bókasafns Menntavísindasviðs í EBSCOhost ásamt fleirum aðgengilegum rafbókum.

Norrænar bækur um menntamál

Bókasöfn Háskóla Íslands kaupa rafbækur, bæði einstaka titla og einnig stærri bókapakka, sem eru einungis aðgengilegar á háskólanetinu. Bókasafn Menntavísindasviðs hefur lagt áherslu á að kaupa valda titla meðan Landsbókasafn Íslands – Háskólabókasafn hefur keypt stærri bókapakka á ýmsum fræðasviðum. Allir nemendur og starfsfólk Háskólans hafa gagnkvæman aðgang að rafrænu efni sem keypt er af bókasafni Menntavísindasviðs og Landsbókasafni Íslands – Háskólabókasafni. 

Bókasafn Menntavísindasviðs hefur þá stefnu að kaupa bækur í rafrænu formi fremur en prentuðu, þegar þess er kostur. Nýjar og nýlegar rafbækur má finna í leiðarvísinum Nýjar bækur á Menntavísindasviði. 

Að sækja rafbók á leitir.is. Smellið á titilinn í niðurstöðulista og þá opnast skráningarfærsla. Tengill í rafbók er á þremur stöðum í færslunni. Ofarlega við hlið myndar þar sem stendur Rafrænn aðgangur, um miðbik þar sem stendur Skoða rafrænt og neðarlega undir Tenglar. Tveir neðri tenglarnir gefa til kynna hvaða safn á tiltekið rit. 

Aðgangur að rafbókum bókasafnsins er mismunandi. Algengast er að aðeins einn notandi í einu geti lesið tiltekna bók. Einnig getur verið aðgangur fyrir þrjá í einu eða það sem kallað er "concurrent access" sem þýðir að það er hægt að opna bókina í ákveðið mörg skipti yfir árið en aðgangur er ekki bundinn við einn notanda í einu. Að lokum eru einstaka titlar með ótakmarkaðan aðgang. 

Aðgangstakmarkanir koma fram undir Skoða rafrænt og Tenglar. Bækur bókasafns Menntavísindasviðs eru þar merktar „Heildartexti - Háskóli Íslands (...)" 

Aðgangstakmarkanir má einnig sjá þegar komið er inn í sjálft gagnasafnið: 

eða:

Flestar rafbækur bókasafns Menntavísindasviðs eru keyptar í gegnum Ebook Central  og EBSCOhost.

Bókasafn Menntavísindasviðs kaupir einnig rafbókapakka frá OECDiLibrary og Idunn í samstarfi við Landsbókasafn Íslands – Háskólabókasafn. 

Landsbókasafn Íslands – Háskólabókasafn veitir aðgang að fjölda rafbóka á öllum fræðasviðum. Sjá nánar í leiðarvísi safnsins Rafbækur í áskrift.