Landsaðgangur að rafrænum áskriftum – hvar.is: Um Landsaðgang

Í þessum leiðarvísi eru upplýsingar um Landsaðgang að rafrænum áskriftum ásamt krækjum og upplýsingum um gögnin sem hann veitir aðgang að. Vefur Landsaðgangs er hvar.is.

Landsaðgangurinn er samlag yfir 200 greiðenda sem veitir öllum á Íslandi, sem tengjast internetinu um íslenskar netveitur, gjaldfrjálsan aðgang að áskriftum fjölda rafrænna tímarita, rafbóka og gagnasafna.

Meðal þátttakenda í samlagi um Landsaðgang eru almenningsbókasöfn, bókasöfn framhaldsskóla, íslenskir háskólar og háskólabókasöfn, bókasöfn heilbrigðisstofnana, ráðuneyti, rannsóknar- og stjórnsýslustofnanir, opinber hlutafélög, fyrirtæki o.fl. Einnig er greitt til Landsaðgangsins með framlögum á fjárlögum. 

 Í Landsaðgangi eru: 

• gagnasöfn og tímaritasöfn til heimildaleita
• nokkur alfræði- og uppsláttarrit
• þúsundir rafbóka og bókarkafla hjá Springer útgáfunni
• heildartextar tímaritsgreina úr þúsundum tímarita