Þjónusta bókasafnsins við kennslu í Háskóla Íslands er þríþætt. Í fyrsta lagi felst hún í því að tryggja að nemendur hafi aðgang að því efni sem þeir þurfa á að halda í námi sínu. Í öðru lagi að bjóða fjölbreytta fræðslu og ráðgjöf sem miðar að upplýsingalæsi nemenda. Í þriðja lagi að aðstoða við verkefnavinnu og verkefnaskil.
Í flóknu upplýsingaumhverfi samtímans þurfa nemendur aðstoð við að tileinka sér lykilfærni í upplýsingaöflun og bjóðum við upp á bæði fræðslu í tengslum við einstök námskeið og námsleiðir og námskeið sem henta öllum nemendum. Fræðsla bókasafnsins stuðlar að hæfni nemenda til að leita að upplýsingum, finna og meta þær upplýsingar/heimildir sem þeir finna og hyggjast nota við vinnu sína. Þannig stuðlar fræðslan að betri vinnubrögðum og árangursríkara háskólanámi.
Jafnframt er boðið uppá kynningar fyrir kennara, bæði einstaklinga og hópa.
