Tilgangur þessa leiðarvísis er að gera gestum fjær og nær, svo og starfsmönnum Landsbókasafns Íslands - Háskólabókasafns, kleift að kynna sér listaverk í eigu safnsins. Á fyrri hluta vefsins eru verk sem eru í almennu rými, þ.e. því sem gestir hafa eða geta fengið aðgang að. Önnur listaverk í eigu safnins eða Háskóla Íslands í skrifstofum og vinnusvæðum starfsmanna, göngum og fleiri stöðum eru undir flipanum Ýmis verk.
Listaverkin í safninu koma úr ýmsum áttum. Sum koma frá Landsbókasafni Íslands eða Háskólabókasafni frá fyrri tíð þessara safna en önnur eru nýrri viðbætur. Margar gjafir bárust í tilefni af stofnun nýs safns, Landsbókasafns Íslands - Háskólabókasafns, við sameiningu eldri safnanna tveggja árið 1994.
