Í boði verður dagskrá fyrir alla nemendur Háskóla Íslands sem eru með verkefni í smíðum, smá og stór, námskeiðsverkefni eða lokaverkefni. Á vökunni gefst gott tækifæri til þess að vinna í verkefnum eina kvöldstund í góðum félagsskap. Í boði verður:
- Styrkjandi leiðsögn sérfræðinga um allt það sem viðkemur verkefnaskrifum.
- Ritver – aðstoð við fræðileg skrif
- Nemendaráðgjöf – hagnýt ráð varðandi skipulag og fleira tengt verkefnavinnu og vellíðan
- Bókasöfn Háskóla Íslands – aðstoð og leiðbeiningar við heimildaleit og fleira
- Hættu að blaðra og skrifaðu!
- Vinnustofa þar sem setið er við skrif í þögn í 40 mínútur í senn
- EndNote aðstoð
- Einstaklingsmiðuð aðstoð fyrir þá sem eru að nota heimildaskráningarforritið EndNote og eru í einhverjum vandræðum
- Örerindi
- Ýmis örerindi er varðar heimildarvinnu og fræðileg skrif
Markmið verkefnavökunnar eru:
- að gefa nemendum færi á að vinna eina kvöldstund að verkefnum utan hefðbundins vinnutíma og fá aðstoð og hvatningu,
- að vekja athygli á þeim mikla vanda að fjöldi háskólastúdenta kvíðir því að skrifa, frestar verkefnum og hverfur jafnvel frá námi þegar lokaverkefnið eitt er eftir,
- að vekja athygli á að unnt er að aðstoða nemendur á öllum stigum ritunarferlisins og hjálpa þeim sem frestað hafa verkefnum of lengi, að komast af stað.
Að verkefnavökunni standa Ritver og Nemendaráðgjöf Háskóla Íslands, Landsbókasafn Íslands – Háskólabókasafn og Heilbrigðisvísindabókasafn Landspítalans og Háskóla Íslands.
