Þann 14. júní 2022 var nýtt bókasafnskerfi tekið í notkun og leitargáttin leitir.is uppfærð.
Þá varð sú breyting á að nú er bæði hægt að fara inn á vefslóðina leitir.is (eins og áður) og leita að efni í íslenskum bóka-, lista-, minja- og ljósmyndasöfnum og inn á vefslóðina lbs.leitir.is og leita þá einungis í safnkosti Landsbókasafns Íslands - Háskólabókasafns, á prenti eða í rafrænu eða stafrænu formi. Þar undir fellur efni í séráskriftum safnsins og Háskóla Íslands auk efnis í Landsaðgangi.
Í þessum leiðarvísi eru leiðbeiningar um leit, ítarlega leit og hvernig þrengja á niðurstöður, staðsetningar efnis á Landsbókasafni Íslands - Háskólabókasafni auk upplýsinga um innskráningu, endurnýjun og frátekt á efni.
Við gerð leiðarvísisins var lbs.leitir.is notað en einnig er hægt að nýta sér leiðbeiningarnar þegar leitað er að efni á leitir.is.