Þetta er notað þegar við viljum athuga hvort ákveðið tímarit sem við erum með í huga sé aðgengilegt rafrænt.
Við smellum á Leita að tímariti.
Í þessu dæmi ætlum við að reyna að finna tímaritið History and theory. Fyrst sláum við inn leitarorð í leitargluggann og smellum á stækkunarglerið.
Við sjáum að tímaritið birtist í niðurstöðum. Við smellum á tímaritið til þess að sjá hvar það er aðgengilegt.
Við sjáum að tímaritið er aðgengilegt í tveimur gagnasöfnum.
Hjá JSTOR er tímaritið aðgengilegt frá árinu 1960 en er með 5 ára birtingartöf, sem þýðir að nýjustu 5 árgangarnir eru ekki aðgengilegir.
Hjá Wiley er tímaritið aðgengilegt frá árinu 2003. Sá aðgangur er án birtingartafar.
Við smellum á Wiley til þess að fá aðgang að nýjustu greinum en myndum velja JSTOR ef við viljum skoða greinar sem voru gefnar út á árinum 1960-2003.
Hjá Wiley má síðan sjá að tímaritið er aðgengilegt í gegnum Landsaðgang.
