Leiðbeiningarnar hér fyrir neðan sýna hvernig notendur geta skráð sig inn á lbs.leitir.is og búið sér til PIN númer til að nota í sjálfsafgreiðsluvélina í Þjóðarbókhlöðu. Athugið að hægt er að fara í gegnum sama ferli í gegnum leitir.is og velja þá önnur bókasöfn t.d. almenningsbókasöfn og setja þá inn PIN númer fyrir sjálfsafgreiðsluvélar í viðkomandi söfnum.
Fyrst skráum við okkur inn og smellum svo á notandanafnið sem birtist efst í hægra horninu.
Síðan smellum við á Mínar síður.
Næst smellum við á Persónuupplýsingar.
Síðan smellum við á Breyta lykilorði.
Við sláum inn nýtt PIN í reitinn PIN fyrir sjálfsafgreiðsluvélar og smellum á Vista.
Athugið að PIN verður að vera að minnsta kosti 4 tölustafir og má ekki vera hluti af kennitölu eða símanúmeri viðkomandi.
Ef allt gengur upp ætti grænn borði með textanum Upplýsingar vistaðar að birtast.
