Til þess að finna gögn, þarf að skoða tvö atriði; staðsetningu og hillustaðsetningu. Á myndinni hér fyrir neðan er bókin á 4. hæð á Þjóðarbókhlöðu og hillustaðsetningin er 823 Ste.
4. hæð - Efnið er á 4. hæð Þjóðarbókhlöðu.
3. hæð - Efnið er á 3. hæð Þjóðarbókhlöðu.
Námsbókasafn - Efnið er á námsbókasafni á 4. hæð Þjóðarbókhlöðu hjá útlánaborði.
Handbókasafn - Efnið er á handbókasafni á 2. hæð Þjóðarbókhlöðu.
Geymsla - Efnið er í geymslu. Það er hægt að biðja um bækur úr geymslu í útlánaborði á 2. hæð Þjóðarbókhlöðu.
Íslandssafn - Efnið er á Íslandssafni. Það er hægt að biðja um flest efni úr Íslandssafni í afgreiðsluborði á 1. hæð Þjóðarbókhlöðu.
Íslandssafn/Tón- og myndsafn - Efnið er á Tón- og myndsafni á 4. hæð Þjóðarbókhlöðu.
Handritasafn - Efnið er á Handritasafni. Það er hægt að biðja um handrit úr handritasafni á lestrarsal handritasafns á 1. hæð Þjóðarbókhlöðu.
HÍ Stakkahlíð - Efnið er á Bókasafni menntavísindasviðs. Nemendur og starfsfólk Háskóla Íslands; og ellilífeyrisþegar og öryrkjar fá bókasafnsskírteini án endurgjalds en aðrir lánþegar þurfa að greiða árgjald.
Lögberg - Efnið er á Lagabókasafni í Lögbergi. Lagabókasafnið er á 3. hæð og safngögn eru eingöngu lánuð út til starfsfólks og nemenda lagadeildar Háskóla Íslands.
Fjargeymsla - Efnið er í fjargeymslu safnsins. Það er hægt að biðja um bækur úr fjargeymslu í útlánaborði á 2. hæð Þjóðarbókhlöðu
Tæknigarður - Efnið er í Tæknigarði. Það er hægt að biðja um bækur úr Tæknigarði í útlánaborði á 2. hæð Þjóðarbókhlöðu.
Varaeintakasafn - Efnið er í varaeintakasafni í Reykholti. Efni í varaeintakasafni er ekki lánað út.
Bækur á safninu eru flokkaðar samkvæmt Flokkunarkerfi Deweys. Kerfið skiptist í 10 aðalflokka sem eru:
000 Almennt efni
100 Heimspeki, sálfræði
200 Trúarbrögð
300 Félagsvísindi
400 Tungumál
500 Raunvísindi
600 Tækni (hagnýt vísindi)
700 Listir Skemmtanir Íþróttir
800 Bókmenntir og stílfræði
900 Landafræði og sagnfræði
Á 3. hæð Þjóðarbókhlöðu má finna bækur í flokkum 000-199 og á 4. hæð má finna bækur í flokkum 200-999.
Við þjónustuborð á 2. hæð er að finna handhægan bækling um flokkunarkerfi Deweys.